ԹՈՒՐՔԻՈՅ ՄԷՋ ՍԿՍԱՒ 2016-Ի ՅԵՂԱՇՐՋՈՒՄԻՆ ՀԵՏ ԿԱՊՈՒԱԾ ԿԱՐԵՒՈՐ ԴԱՏԱՎԱՐՈՒԹԻՒՆՆԵՐԷՆ ՄԷԿԸ

0
124

Անգարայի մէջ այսօր՝ 1 Օգոստոս, սկսաւ 15 Յուլիս 2016-ի զինուորական յեղաշրջումի ընթացքին Աքընճը ռազմախարիսխը գրաւելու փորձով ձերբակալեալներուն դատավարութիւնը:

Աքընճը ռազմախարիսխը գրաւելու պատճառաբանութեամբ 486 անձի դէմ ներկայացուած է մեղադրանք:
Նշենք, թէ յեղաշրջումի ընթացքին, ընդդիմադիրները յաջողած էին Աքընճը ռազմախարիսխէն կործանիչներ եւ ուղղաթիռներ դուրս բերել եւ ռմբակոծել Թուրքիոյ խորհրդարանը, ինչպէս նաեւ շարք մը կարեւոր շէնքեր:
Անգարայի կարծիքով, զինուորական յեղաշրջումի ետին կեցած էր իսլամական Հիզմէթ Հարեքեթի կազմակերպութեան ղեկավար Ֆեթհուլահ Կիւլէնը:
Թուրքիոյ գլխաւոր դատախազութիւնը ցմահ բանտարկութիւն կը պահանջէ Կիւլէնի եւ 44 այլ մեղադրեալներու դէմ:

LEAVE A REPLY

Please enter your comment!
Please enter your name here