Պատարագ Իզմիրի Մէջ` 95 Տարուան Ընդմիջումէն Ետք

0
121

Իզմիրի հայերը 95 տարուան ընդմիջումէն ետք առաջին անգամ 14 օգոստոսին պատարագ պիտի կազմակերպեն:

Այս մասին կը յայտնէ «Ակօս» պարբերականը:

Սուրբ Աստուածածնի պատարագը տեղի պիտի ունենայ Իզմիրի Սուրբ Յովհաննէս տաճարին մէջ: Պատարագը պիտի մատուցէ Պոլսոյ Սուրբ Յովհան Ոսկեբերան հայկական կաթոլիկ եկեղեցւոյ հոգեւոր առաջնորդ արքեպիսկոպոս Վարդան Գազանչեան:

Պատարագին պիտի մասնակցին Սուրբ Յովհան Ոսկեբերան հայկական կաթոլիկ եկեղեցւոյ երգչախումբը, ինչպէս նաեւ հայկական համայնքի ներկայացուցիչներ:

Այս պատարագը՝ 95 տարի առաջ,13 Սեպտեմբեր 1922-ին ծայր առած եւ 4 օր տեւած «Զմիւռնիոյ մեծ հրդեհէն» ետք առաջինն է:

Զմիւռնիան` ներկայիս Իզմիրը, հրդեհած էին թրքական զօրքերը քաղաքը գրաւելէ 4 օր եսք:

LEAVE A REPLY

Please enter your comment!
Please enter your name here