Gallup-ի Հարցախոյզին Համաձայն՝ Վարչապետի Վարկանիշը Նուազած Է

0
147

ԵՐԵՒԱՆ, «ՓանԱրմինիըն».- Gallup International Association-ի կատարած հարցախոյզի արդիւնքներուն համաձայն՝ պատասխանողներու 24,5 տոկոսը դրական կը գնահատէ նախագահի, 26 տոկոսը՝ կառավարութեան, 18,5 տոկոսը՝ Ազգային ժողովի աշխատանքը:

Այս մասին յայտարարած է Gallup International Association-ի լիիրաւ անդամ, «Էմ.Փի»ի տնօրէն Արամ Նաւասարդեան:

Վարչապետ Կարէն Կարապետեանի գործելաոճի մասին եղած հարցումին, պատասխանողներուն 12,6 տոկոսը «լիովին դրական», գնահատած է, 7,6 տոկոսը՝ «լիովին բացասական»:

«Մարտ ամսուայ ցուցանիշների համեմատ՝ վարչապետի գործելաոճը լիովին դրական գնահատողների թիւը զգալի նուազել է: Այն ժամանակ Կարէն Կարապետեանի գործելաոճը լիովին դրական գնահատում էր 25,1 տոկոսը», նշած է Նաւասարդեան:

Ըստ այս վիճակախոյզին՝ յառաջիկայ 6 ամիսներուն, Կարէն Կարապտեանի կառավարութենէն տնտեսական վիճակի բարելաւում կ՛ակնկալէ պատասխանողներու 27,8 տոկոսըը, 46,2 տոկոսը նշած է, որ կառավարութիւնը պիտի չկարենայ բարելաւել վիճակը:

Վարչապետին իբրեւ քաղաքական գործիչ շատ դրական գնահատած են պատասխանողներուն 65 տոկոսը:

Անցեալ Մարտին կատարուած հարցախոյզի արդիւնքներուն համաձայն՝ վարչապետին հանդէպ դրական վերաբերողներու տոկոսը 81 առ հարիւր էր:

Հարցուողները գնահատած են նաեւ նախարարութիւններու ղեկավարներու աշխատանքը: Ամէնէն բարձր վարկանիշը ստացած է մշակոյթի նախարար Արմէն Ամիրեան (3,4 բալ), անոր յաջորդած են պաշտպանութեան նախարար Վիգէն Սարգսեան (3,2 բալ) եւ բնապահպանութեան նախարար Արծուիկ Մինասեան (3,1 բալ): Ամէնէն քիչ բալեր ստացած են տնտեսական զարգացման եւ ներդրումներու նախարար Վարդան Արամեան եւ ընկերային հարցերու նախարար Արտէմ Ասատրեան:

LEAVE A REPLY

Please enter your comment!
Please enter your name here