Հայ Հրասայլորդները Ալապինոյի Հրասայլային Երկամարտին Գրաւած Են Երկրորդ Տեղը

0
147

ՄՈՍԿՈՒԱ.» Մոսկուայի մօտակայքը գտնուող «Ալապինօ» ռազմափորձարանի միջազգային բանակային խաղերուն ծիրէն ներս տեղի ունեցած է հրասայլային երկամարտի առաջին մրցարշաւը:

Հրասայլային երկամարտի չորրորդ մրցաշրջանին մրցած են Հայաստանի, Վենեզուելայի, Հնդկաստանի ու Նիքարակուայի ներկայացուցիչները: Առաջինը վերջնագիծին հասած են հնդիկ հրասայլորդները, երկրորդը՝ հայերը, իսկ երրորդը՝ Վենեզուելայի ներկայացուցիչները: Նիքարակուայի հրասայլը եղած է վերջինը: Ասիկա մրցաշրջանի նախնական արդիւնքներն են… աւարտին դատաւորները պիտի հաշուեն ժամանակը՝ հաշուի առնելով տուգանային պատժամիջոցները, լրացուցիչ շրջաններն ու կանգառները:

Հայաստանի զինուած ուժերը ներկայացած էին անձնակազմով մը, որուն հրամանատարն էր կրտսեր սպայ Արմէն Առուստամեան: Հայկական խումբի բոլոր անդամները ժամկէտային ծառայող զինուորներ ու սպաներ են:

Մրցումները կը կայանան երեք փուլով: Առաջին փուլին՝ անհատական մրցարշաւին, կը մասնակցին բոլոր խումբերը: Կիսաեզրափակիչ պիտի անցնի 12 խումբ, իսկ երզափակիչով պիտի հանդիպին չորս լաւագոյն հաւաքականները: Բոլոր փուլերուն հրասայլորդները պէտք է կրակեն թիրախներուն՝ տեղէն եւ ընթացքի մէջ, եւ յաղթահարեն զանազան խոչընդոտներ:

LEAVE A REPLY

Please enter your comment!
Please enter your name here