Քննարկում` Նուիրուած Հայաստան-Իրան Ապրանքաշրջանառութեան Ծաւալներու Յաւելման

0
127

Օգոստոս 1-ին Իրանի մէջ ՀՀ դեսպան Արտաշէս Թումանեան Թեհրանի միջազգային ցուցահանդէսներու կեդրոնին մէջ հանդիպեցաւ ԻԻՀ արդիւնաբերութեան, հանքերու եւ առեւտուրի փոխնախարար, Առեւտուրի զարգացման կազմակերպութեան նախագահ Մոճթապա Խոսրովթաճի հետ: Այս մասին «Հայերն այսօր»-ինկը յայտնեն ԱԳՆ մամուլի ծառայութենէն:

Հանդիպման, որուն ներկայ էին նաեւ ԻԻՀ տնտեսական ոլորտի շարք մը խոշոր ընկերութիւններու եւ կազմակերպութիւններու ներկայացուցիչներ, իրականացուեցաւ համատեղ քննարկում` նուիրուած Հայաստան-Իրան ապրանքաշրջանառութեան ծաւալներու յաւելման եւ երկու երկիրներու տնտեսական յարաբերութիւններու զարգացման:

Կողմերը շօշափեցին Հայաստան-Իրան երկկողմ առեւտուրի աշխուժացման, համատեղ տնտեսական ծրագիրներու իրականացման, ինչպէս նաեւ տնտեսական հարցերուն առնչուող տեղեկութիւններու համակարգուած փոխանակման խնդիրները` անդրադարձ կատարելով ս.թ. սեպտեմբեր 21-25 Երեւանի մէջ իրանական ապրանքներու եւ ծառայութիւններու ցուցահանդէսի կազմակերպչական հարցերուն:

Հանդիպման օրակարգին մէջ էին նաեւ ԵԱՏՄ-ԻԻՀ բանակցութիւններուն ժամանակ յառաջացած խնդիրներու լուծման ուղղութեամբ երկու երկիրներու պետական մարմիններուն կողմէ իրականացուելիք քայլերուն հետ կապուած շարք մը հարցեր:

LEAVE A REPLY

Please enter your comment!
Please enter your name here