Հայաստանի Կառավարութիւնը Կը Ճշդէ Տնտեսական Դիւանագիտութեան Երկիրներու Առաջնահերթութիւնը

0
146

Հայաստանի կառավարութիւնը վարչապետ Կարեն Կարապետեանի գլխաւորութեամբ գումարեց նիստ եւ քննարկեց տնտեսական դիւանագիտութեան երկիրներու առաջնահերթութիւնը: Առաջնահերթութեան համար նկատի առնուած են տուեալ երկրին մէջ Հայկական Սփիւռքի առկայութիւնը, ներդրումներ ներգրաւելու եւ առեւտրական շրջանառութեան մեծացման կարողականութիւնը, տուեալ երկրէն Հայաստանի մէջ արդէն գործող ընկերութիւններու թիւը, արդեօք նման ձեռնարկութիւններ կը գործե՞ն Հայաստանի հարեւան երկիրներու մէջ եւ արդեօք կարելի՞ է զանոնք ներգրաւել:

Կառավարութեան նիստէն ետք լրագրողներու հետ զրուցելով, տնտեսական զարգացման եւ ներդրումներու փոխնախարար Գարեգին Մելքոնեան յայտնեց, որ Հայաստան այժմ արտասահմանի մէջ շուրջ 50 դիւանագիտական ներկայացուցչութիւն ունի, բայց բոլորը չունին առեւտրական ներկայացուցիչներ, չկան նոյնիսկ տնտեսական պատրաստուածութեամբ դիւանագէտներ:

«Մեր խնդիրն է՝ այդ դեսպանատների աշխատանքում ամրապնդել այդ բաղադրիչը», աւելցուց Մելքոնեան:

Առաջնահերթ երկիրներու շարքին են Ռուսիան, Ամերիկայի Միացեալ Նահանգները, Չինաստանը, Իրանը, Վրաստանը, Արաբական Միացեալ Էմիրութիւնները, Ֆրանսան, Գերմանիան, Իտալիան, Գանատան, Լիբանանը եւ Պենիլիւքս երկիրները:

LEAVE A REPLY

Please enter your comment!
Please enter your name here