Կէս Տարուան Մէջ Հայաստանի Պետական Պարտքը Աճած Է 3.3 Տոկոսով

0
109

ԵՐԵՒԱՆ, «Հետք».- Այս տարուան Յունիսի վերջաւորութեան դրութեամբ Հայաստանի պետական պարտքը կազմած է 6.141 միլիառ տոլար: Վերջին մէկ ամսուան ընթացքին պարտքը աւելցած է 45,8 միլիոն տոլարով կամ 0,7 տոկոսով:

Ազգային վիճակագրական ծառայութեան (ԱՎԾ) հրապարակած տուեալներուն համաձայն՝ տարեսկիզբէն ի վեր Հայաստանի պարտքը աճած է 199 միլիոն տոլարով կամ 3,3 տոկոսով:

Ըստ ԱՎԾ տուեալներուն՝ անցեալ տարուընէ սկսած, ներքին պարտքը աւելի արագ թափով կ՛աճի, քան արտաքինը:

Արդարեւ, Յունիսի վերջաւորութեան դրութեամբ Հայաստանի արտաքին պետական պարտքը կազմած է 4.942 միլիառ տոլար: Վերջին մէկ ամսուան ընթացքին արտաքին պարտքը աճած է 18 միլիոն տոլարով կամ 0,4 տոկսով, իսկ տարեսկիզբէն՝ 137 միլիոն տոլարով կամ 2,8 տոկոսով:

Ներքին պարտքը Յունիսի վերջաւորութեան տուեալներով՝ 1.198 միլիառ տոլար է: Վերջին մէկ ամսուան ընթացքին այդ պարտքը աճած է 27,7 միլիոն տոլարով կամ 2,4 տոկոսվ, իսկ տարեսկզիբէն՝ 62 միլիոն տոլարով կամ 5.5 տոկոսով:

LEAVE A REPLY

Please enter your comment!
Please enter your name here