Մխիթարեան՝ «Եուրոփա» Մրցաշարքի Լաւագոյն Մարզիկի Թեկնածու

0
150

ԵՐԵՒԱՆ, «Երկիր».- «Մանչեսթըր Եունայթըտ»ի երեք մարզիկներ, միջնապահներ՝ Հայաստանի ազգային հաւաքականի խմբապետ Հենրիկ Մխիթարեան, ֆրանսացի Փօլ Փոկպա եւ շուէտացի յարձակող Զլատան Իպրահիմովիչ, «Եուրոփա» մրցաշարքի 2016-2017 տարեշրջանի լաւագոյն մարզիկի ընտրութեան աւարտական հանգրուանը հասած են. այս մասին հաղորդուած է Եւրոպայի ֆութպոլի դաշնակցութեան կայքով:

Մխիթարեան նշեալ մրցաշարքի ծիրէն ներս իր կատարած 11 մրցումներուն ընթացքին նշանակած էր 6 կոլ, Իպրահիմովիչ՝ 5, իսկ Փոկպա՝ 3 (15 մրցումներու ընթացքին):

Նշենք, որ ընտրութիւնը կատարուած է մրցաշարքին մասնակցած 48 խումբերու մարզիչներուն եւ 55 լրագրողներու կողմէ։

Մրցաշարքի լաւագոյն մարզիկին անունը պիտի յստականայ Մոնաքոյի մէջ, 25 Օգոստոսին:

Նշենք, որ Մխիթարեան ընդգրկուած էր Եւրոպայի Ախոյեաններու եւ «Եուրոփա» մրցաշարքերու 2016-2017 տարեշրջանի խորհրդանշական հաւաքականին մէջ։

LEAVE A REPLY

Please enter your comment!
Please enter your name here