«Viber»ի Մրցակից Հայկական «Zangi»ն Ունի Մէկ Ու Կէս Միլիոն Բաժանորդ

0
145

ԵՐԵՒԱՆ, «Նիուզ».- Վարչապետ Կարէն Կարապետեան Ուրբաթ, 4 Օգոստոսին այցելեց Տեղեկատուական արհեստագիտութեան (ՏԱ) ոլորտի «Zangi» ընկերութիւն:

Կառավարութեան ղեկավարը ծանօթացաւ ընկերութեան գործունէութեան, ձեռքբերումներուն, ընթացիկ եւ հեռանկարային ծրագիրերուն:

«Zangi»ն նոր սերունդի հաղորդակցութեան համակարգ է, որ թոյլ կու տայ կատարել անվճար, տեսողական հեռաձայնային կապեր եւ փոխանակել հաղորդագրութիւններ («Viber»ին եւ «whatsup»ին նման):

«Zangi»ն հնարաւորութիւն կու տայ իրականացնելու 720p թոյլատուութեամբ live-տեսազանգեր:

«Zangi»ի տնօրէն Վահրամ Մարտիրոսեան տեղեկացուցած է, որ յաւելուածը ունի 1,5 միլիոն բաժանորդ եւ օրական անոր միջոցով կապ կը հաստատեն տասնեակ-հազարաւոր մարդիկ:

2016ին ընկերութիւնը մտած է զարգացման նոր փուլ՝ ձեռք բերած ըլլալով 20+ Business-To-Business (B2B) գործընկերներ աշխարհի 12 երկիրներէ: Այժմ «Zangi»ն կը մասնակցի երկիրներու մակարդակով հեռահաղորդակցման ենթակառուցուածքներու ստեղծման աշխատանքներուն:

Հայկական յաւելուածը այս տարի ներկայացուած է Պարչելոնայի մէջ տեղի ունեցած Mobile World Congressին եւ այժմ կը պատրաստուի մասնակցել Տուպայի եւ Լոնտոնի մէջ կայանալիք ITEX ու Capacity Europe հեռահաղորդակցութեան ոլորտի ցուցահանդէսներուն:

LEAVE A REPLY

Please enter your comment!
Please enter your name here