ՍԱՐԳՍԵԱՆ ՆԵՐԿԱՅ ԳՏՆՈՒԵՑԱՒ ՌՈՀԱՆԻԻ ԵՐԴՄՆԱԿԱԼՈՒԹԵԱՆ ԱՐԱՐՈՂՈՒԹԵԱՆ

0
112

Հայաստանի Հանրապետութեան նախագահ Սերժ Սարգսեան ներկայ գտնուեցաւ Իրանի Իսլամական Հանրապետութեան նորընտիր նախագահ Հասան Ռոհանիի երդման պաշտօնական արարողութեան:

Ռոհանի, իր խօսքին մէջ յայտնեց, թէ Իրան յանձնառու պիտի մնայ Վեցեակին հետ կնքուած միջուկային համաձայնագիրին: Ան նաեւ զգուշացուց՝ համաձայնագիրը խախտող ոեւէ անհատ կամ կողմ, իր քաղաքական ասպարէզին վերջակէտը դրած պիտի ըլլայ: Ռոհանի շեշտեց Արաբական Ծոցի պետութիւններուն հետ երկխօսութեան անհրաժեշտութիւնը, ինչպէս նաեւ յայտնեց, թէ Սուրիոյ հակամարտութիւնը չունի որոնց զինուորական լուծում:
Նախագահին երդմնակալութեան արարողութենէն ետք տեղի ունեցաւ պաշտօնական ընդունելութիւն, ի պատիւ Թեհրան ժամանած բարձրաստիճան պատուիրակութիւններուն:
Երդմնակալութեան արարողութեան ներկայ գտնուեցաւ արտերկրի 100 պատուիրակութիւն, որոնց մէջ ութ երկիրներու նախագահներ, ինը փոխնախագահներ եւ վարչապետներ, խորհրդարանի եօթ փոխնախագահներ, տասն եւ մէկ արտաքին գործոց նախարարներ եւ այլն:
Ընթացիկ տարուան 19 Մայիսին տեղի ունեցած 12-րդ նախագահական ընտրութիւններուն, Հասան Ռոհանի քուէներու 57 տոկոսով վերընտրուեցաւ երկրի նախագահ:

LEAVE A REPLY

Please enter your comment!
Please enter your name here