Հայաստանի Օդակայաններուն Մէջ Ուղեւորահոսքը 28 Տոկոսով Աճած է

0
147

Հայաստանի Հանրապետութեան երկու օդակայաններուն ուղեւորահոսքը Յունուար-Յուլիս 2017-ին կազմած է 1 միլիոն 373 հազար 856 մարդ, որ 28 տոկոսով կը գերազանցէ նախորդ տարուան նոյն ամիսներու ցուցանիշը:

ՀՀ ԿԱ քաղաքացիական թռիչքուղիներու գլխաւոր վարչութեան մամլոյ քարտուղար Սաթենիկ Յովհաննիսեանի փոխանցած տեղեկութիւններով՝, Յուլիս 2017-ին Երեւանի «Զուարթնոց» օդակայանին մէջ ուղեւորահոսքը կազմած է 270 751 մարդ` 19 տոկոսով գերազանցելով նախորդ տարուան նոյն ամսուան ցուցանիշը:

Յունուար-Յուլիս 2017-ին, 2016-ի նոյն ամիսներուն հետ համեմատած, «Զուարթնոց» օդակայանին մէջ արձանագրուած է ուղեւորհոսքի 24,7 տոկոս աճ:
«Զուարթնոց» օդակայանին մէջ Յունուար-Յուլիս 2017 ամիսներուն բեռնափոխադրումը կազմած է 12. 708 թոն ապրանք, որ 59,7 տոկոսով կը գերազանցէ 2016 թուականի նոյն ժամանակահատուածի ցուցանիշը:
2017 թուականի Յուլիսին Գիւմրիի «Շիրակ» օդակայանին մէջ ուղեւորահոսքը կազմած է 9098 մարդ` նախորդ տարուան նոյն ամսուան ցուցանիշը գերազանցելով 15063 տոկոսով:

«Շիրակ» օդակայանին մէջ, Յունուար-Յուլիս 2017-ին ուղեւորահոսքը 526.6 տոկոսով աճած է՝ նախորդ տարուան նոյն ամիսներուն հետ համեմատած:
«Զուարթնոց» եւ «Շիրակ» օդակայաններուն մէջ 2017 թուականի Յունուար-Յուլիսին, նախորդ տարուան նոյն ամիսներուն հետ համեմատած, 24.2 տոկոսով աճ արձանագրած են նաեւ թռիչք-վայրէջքները:

LEAVE A REPLY

Please enter your comment!
Please enter your name here