Թուրքիոյ Միակ Հայկական Գիւղին ՄԷջ Նշած Են Խաղողօրհնէքն Ու Մուսա Լերան Հերոսամարտի Օրը

0
137

Թուրքիոյ միակ հայկական գիւղին՝ Կիլիկիոյ Վագըֆի մէջ Պոլիսէն եւ աշխարհի տարբեր վայրերէն եկած հայերը մեծ շուքով նշած են Աստուածամօր վերափոխման տօնը:

Ինչպէս Կիլիկիոյ Վագըֆէն կը տեղեկացնէ NEWS.am-ի թղթակիցը, Մուսա լերան փէշերուն գտնուող հայաբնակ Վագըֆին մէջ Աստուածամօր վերափոխման տօնի նախորդ երեկոյէն հաւաքուած հայերը սկսած են ձեռնարկները աւանդական երգ ու պարով:

Արդէն 14 օգոստոսին, Վագըֆի Սուրբ Աստուածածին եկեղեցւոյ մէջ Տէր Աւետիս Թաբաշեանի առաջնորդութեամբ իրականացուած է պատարագ, որմէ յետոյ եկեղեցւոյ բակին մէջ տեղի ունեցած է Խաղողօրհնէք: Այնուհետ Տէր Աւետիս Թաբաշեան մօտեցած է արդէն պատրաստուած հարիսաներով մեծ կաթսաներուն եւ աղօթած խաղաղութեան համար:

Հաւաքուած հայերը համտեսած են աւանդական հարիսան, շփուած իրար հետ եւ հրաժեշտ տուած են` յաջորդ տարի նոյն վայրին մէջ հաւաքուելու մտադրութեամբ:

LEAVE A REPLY

Please enter your comment!
Please enter your name here