Արտասահմանեան Խումբերու Մէջ Խաղացող 16 Ֆութպոլիստներ Հրաւիրուած Են Մաս Կազմելու Հայաստանի Ազգային Հաւաքականին

0
145

ԵՐԵՒԱՆ, «Նիուզ».- Հայաստանի ազգային հաւաքականի գլխաւոր մարզիչ Արթուր Պետրոսեան հրապարակած է անունները արտասահմանեան խումբերու մէջ խաղացող 16 ֆութպոլիստներու, որոնք պիտի նախապատրաստուին Ռումանիոյ ( 1Սեպտեմբեր ) եւ Դանիոյ ( 4 Սեպտեմբեր ) դէմ աշխարհի առաջնութեան ընտրական հանդիպումներուն:

Հրաւիրուած ֆութպոլիստներն են՝ Տարօն Ոսկանեան, «Նէա Սալամիս»էն (Կիպրոս), Վարազդատ Հարոյեան, «Ուրալ»էն (Ռուսիա), Գաել Անդոնեան, «Օլեմփիք»էն (Մարսէյ, Ֆրանսա), Յովհաննէս Համբարձումեան, «Վարտար»էն (Մակեդոնիա), Կամօ Յովհաննիսեան, «Թորփետօ-Պելազ»էն (Պելոռուս), Տիգրան Բարսեղեան, «Վարտար»էն (Մակեդոնիա), Դաւիթ Մանոյեան «Նէա Սալամիս»էն, Գոռ Մալաքեան, «Ստալ»էն (Ուքրանիա), Էդգար Մալաքեան, «Սթալ»էն, Մարկոս Պիզելի, «Ալ-Շապապ»էն (Սէուտական Արաբիա), Հենրիխ Մխիթարեան, «Մանչեսթըր Եունայթըտ»էն (Անգլիա), Արաս Օզպիլիս, «Բեշիկթաշ»էն (Թուրքիա), Արմէն Համբարձումեան, «Ֆակել»էն (Ռուսիա), Ռուսլան Կորեան, «ԲՄԱ-Խապարովսկ»էն (Ռուսիա), Արթուր Սարկիսով, «Ենիսէյէն» (Ռուսիա), Սարգիս Ադամեան եւ «Եան Ռեկենսպուրկ»էն (Գերմանիա):

Հրայր Մկոյեան եւ Էդգար Մանուչարեան այս անգամ չեն հրաւիրուած հաւաքական՝ վնասուածքներու պատճառով:

Մեկնաբանելով երկար ընդմիջումէ ետք Սարգիս Ադամեանը ազգային հաւաքական հրաւիրելու իրողութիւնը՝ Արթուր Պետրոսեան յայտնած է, որ հաւաքականի մարզիչներու խումբը կը հետեւի բոլոր ֆութպոլիստներուն: Ինք անձամբ դիտած է Սարգիս Ադամեանի մասնակցութեամբ քանի մը հանդիպումներ եւ նկատի առնելով, որ Ադամեան արդէն հանդէս կու գայ Գերմանիոյ երկրորդ Պունտեսլիկայէն ու խաղային մշտական փորձ ունի, որոշում կայացուցած է զայն հրաւիրելու հաւաքական:

LEAVE A REPLY

Please enter your comment!
Please enter your name here