Հայաստանը կարող է կամուրջ դառնալ Իրանի և ԵԱՏՄ-ի միջև. տնտեսագետ

0
126

ԵՐԵՎԱՆ, 16 ՕԳՈՍՏՈՍԻ, ԱՐՄԵՆՊՐԵՍ: Հայաստանը կարող է կամուրջ դառնալ ԵԱՏՄ-ի և Իրանի միջև: Օգոստոսի 16-ին կայացած Երևան-Մոսկվա-Աստանա-Բիշկեք-Մինսկ տեսակամուրջի ընթացքում նման կարծիք հայտնեց «Այլընտրանք» հետազոտական կենտրոնի ղեկավար, տնտեսագետ Թաթուլ Մանասերյանը:

«Շատ կարևոր է, որ Եվրասիական տնտեսական միությունը և Իրանը ազատ առևտրի համաձայնագիր կունենան: Իրանը 80-միլիոնանոց շուկա ունի, և ոչ մի դեպքում չի կարելի բաց թողնել այդ երկրի հետ ազատ առևտրի համաձայնագիր ունենալու հնարավորությունը»,- «Արմենպրես»-ի փոխանցմամբ` ընդգծեց տնտեսագետը:

Նա հավելեց, որ Եվրասիական տնտեսական միության անդամ երկրներից Հայաստանը միակն է, որ ցամաքային սահման ունի Իրանի հետ և կարող է յուրատեսակ կամուրջ հանդիսանալ Եվրասիական տնտեսական միության և Իրանի միջև:

http://armenpress.am/arm/news/902019/

LEAVE A REPLY

Please enter your comment!
Please enter your name here