Հասանով Այցելած Է Հայաստանի Հետ Սահմանային Դիրքերը

0
123

ԵՐԵՒԱՆ, «Ռազմ.ինֆօ».- Երեքշաբթի, 15 Օգոստոսին, Ատրպէյճանի պաշտպանութեան նախարար Զաքիր Հասանով այցելած է Հայաստանի հետ սահմանին վրայ գտնուող զօրամասերէն մէկը՝ ընկերակցութեամբ փոխվարչապետ Եակուպ Էյուպովի, որ կը կարգաւորէ երկրի ռազմարդիւնաբերական ոլորտը:

Այս տեղեկութիւնը հաղորդած Ատրպէյճանի պաշտպանութեան նախարարութեան կայքը կ՛աւելցնէ, թէ Հասանով նաեւ այցելած է մարտական յենակէտներ եւ ծանօթացած է նոր կառուցուած զինուորական աւանի մը մանրամասնութեանց։

Դատելով հրապարակուած լուսանկարներէն՝ ատրպէյճանցի պաշտօնեաները այցելած են երկրի զինուած ուժերուն 3րդ բանակային բաժանմունքի ենթակայութեան տակ գտնուող զօրամասը, որ Տաւուշի եւ Գեղարքունիքի սահմաններուն վրայ է:

LEAVE A REPLY

Please enter your comment!
Please enter your name here