Լափշինի Փաստաբանը Բացատրութիւններ Կու Տայ Զայն Իսրայէլի Արտայանձնելուն Մասին

0
159

ՊԱՔՈՒ, «Ինթըրֆաքս».- Արցախ այցելելուն համար Ատրպէյճանի մէջ դատապարտուած լրագրող Ալեքսանտր Լափշինի փաստաբանը՝ Էդուարդ Չեռնի, բացատրութիւններ տուած է իր պաշտպանեալը Իսրայէլին արտայանձնելու հարցին մասին: Փաստաբանին համաձայն՝ արտայանձնումի հարցը կրնայ յստականալ յառաջիկայ մէկ շաբթուան ընթացքին:

Լափշինի փաստաբանը նաեւ նշած է, որ իր պաշտպանեալի արտայանձնման հոլովոյթը չի կրնար ինքնաբուխ ըլլալ, եւ որ կողմերը պէտք է քայլերու ձեռնարկեն այդ ուղղութեամբ:

«Իսրայէլի արդարադատութեան նախարարութիւնը պէտք է դիմէ Ատրպէյճանի արդարադատութեան նախարարութեան, որմէ ետք միայն ատրպէյճանական կողմը դիմումը պիտի քննարկէ», աւելցուցած է Չեռնի:

Նշենք, որ Լափշին դատապարտուած է երեք տարուան բանտարկութեան:

LEAVE A REPLY

Please enter your comment!
Please enter your name here