Լեւոն Արոնեան՝ Արագ Ճատրակի Մրցաշարքի Յաղթող

0
162

Սենթ Լուիսի մէջ կը շարունակուի «Կրենտ Չես Թուր»ի (Grand Chess Tour) 4-րդ մրցափուլը, որով աւարտած է արագ ճատրակի մրցաշարքը: 18 ընդհանուր միաւորէն վաստակելով 12 միաւոր՝ մրցաշարքի միանձնեայ յաղթող ճանչցուեցաւ ճատրակի վարպետ Լեւոն Արոնեան:

34-ամեայ Ճատրակի վարպետը մրցաշարքի վճռորոշ փուլի 7-րդ շրջանին, սեւ խաղաքարերով պարտութեան մատնեց ռուս Սերկէյ Քարեաքինը, 8-րդ շրջանին սպիտակներով ոչ-ոքի խաղաց ամերիկացի Հիքարու Նաքամուրային հետ, իսկ արագ ճատրակի վերջին՝ 9-րդ շրջանին, սեւերով առաւելութեան հասաւ քուպացի վարպետ Լենիէր Տոմինկեզ Փերեզի նկատմամբ:

Ընդհանուր առմամբ, արագ ճատրակի ամբողջ մրցաշարքին ընթացքին Արոնեան տարաւ 5 յաղթանակ, խաղցաւ 4 ոչ-ոքի եւ կրեց երկու պարտութիւն:

Մրցաշարքին կը մասնակցի նաեւ ճատրակի աշխարհի 13-րդ ախոյեան, հայազգի Կարի Գասպարով, որ հանդէս կու գայ Ռուսիոյ դրօշին տակ: Գալիք օրերուն տեղի պիտի ունենան կայծակնային ճատրակի մրցաշարքի խաղերը, որոնց աւարտէն ետք յայտնի պիտի դառնայ «Կրենտ Չես Թուր»ի 4-րդ մրցափուլի յաղթողին անունը:

LEAVE A REPLY

Please enter your comment!
Please enter your name here