Տիգրանակերտի Հայկական Սբ. Կիրակոս Եկեղեցին Կը Շարունակէ Փակուած Մնալ

0
146

Թուրքիոյ Տիարպեքիր քաղաքին մէջ գտնուող հայկական Սբ. Կիրակոս եկեղեցին, որ պետութեան կողմէ փակուած էր 2015-ին այդ շրջանին տեղի ունեցած թուրք-քրտական լուրջ բախումներուն ժամանակ, կը շարունակէ փակուած մնալ:

Այս մասին, կը յայտնէ «Ակօս» պարբերականը:

2015-էն մինչ օրս եկեղեցին կը շարունակէ շրջափակուած մնալ եւ հայերը չեն կրնար մուտք գործել եկեղեցի եւ աղօթել:

Համայնքի որոշ ներկայացուցիչներ կրցած են մուտք գործել Սբ Կիրակոս եւ պարզած են, որ եկեղեցւոյ մէջ գտնուող իրերը վնասուած են, միւսներն ալ սկսած են վնասուիլ:

Բախումներուն ժամանակ տեղի ունեցած փոխհրաձգութիւններու եւ գնդակոծութիւններու հետեւանքով վնասուած են նաեւ եկեղեցւոյ պարիսպները:

Թուրքիոյ հայկական համայնքի ներկայացուցիչները յայտնած են, որ այլեւս չեն ցանկար սպասել եւ կը պահանջեն ապահովել եկեղեցի ազատ մուտք ու ելքի պայմանները:

Տիգրանակերտի Սբ Կիրակոս եկեղեցւոյ շուրջ ներկայիս դատավարութիւններ կ’ընթանան:

Պետութիւնը Սբ Կիրակոս եկեղեցւոյ հիմնադրամին խոստացած է վերականգնել բախումներու ժամանակ եկեղեցւոյ հասցուցած վնասը եւ վերակառուցած նոյն հիմնադրամին պատկանող Սբ Սարգիս եկեղեցին:

LEAVE A REPLY

Please enter your comment!
Please enter your name here