Աքշեհիրի Հայկական Եկեղեցին Պիտի Վերածուի Մշակութային Կեդրոնի

0
105

ԵՐԵՒԱՆ, «Էրմենիհապեր».- Թուրքիոյ Գոնիա նահանգի Աքշեհիր շրջանին մէջ գտնուող հայկական եկեղեցին սկսած է վերանորոգուելու, Նասրետտին հոճայի ի պատիւ իրականացուող՝ «Կատակի Համաշխարհային Գիւղ» նախագիծին ծիրէն ներս։ Սակայն, վերանորոգուելէ ետք, եկեղեցին պիտի վերածուի մշակութային կեդրոնի, մինչ եկեղեցւոյ կից գտնուող քահանայատունը պիտի գործածուի իբրեւ հիւրատուն:

Նախագիծը կ՛իրականացուի Աքշեհիրի քաղաքապետարանի եւ Թուրքիոյ զարգացման նախարարութեան համագործակցութեամբ: Աքշեհիրի քաղաքապետ Սալիհ Աքայայի համաձայն՝ կը նախատեսուի նաեւ տարածքին մէջ գտնուող հայկական բաղնիքի վերանորոգումը:

Ըստ Ռէյմոնտ Գէորգեանի «Հայերը Օսմանեան Կայսրութեան Մէջ՝ 1915էն Առաջ» գիրքին՝ նախքան Հայոց Ցեղասպանութիւնը՝ Աքշեհիրի մէջ կը բնակէին 4950 հայեր, որոնք ունէին 4 դպրոց եւ մէկ եկեղեցի՝ Սուրբ Երրորդութիւնը

LEAVE A REPLY

Please enter your comment!
Please enter your name here