Բրիտանիա Եւ Ամերիկա Քիմիական Նիւթեր Տրամադրա՞ծ Են Սուրիոյ Ընդդիմութեան

0
136

ՄԱԿ, «Ռոյթըրզ».- ՄԱԿի մէջ Ռուսիոյ դեսպան Վասիլի Նիպենզիա չբացառեց, որ ՄԱԿը հետաքննութեան ձեռնարկէ՝ Լոնտոնի եւ Ուաշինկթընի կողմէ քիմիական նիւթերու Սուրիա արտածման շուրջ:

Փենթակոնի մամլոյ ծառայութիւնը, անդրադառնալով սուրիական ընդդիմութեան թունաւոր նիւթերու մատակարարման լուրին՝ նշեց. «Պաշտպանութեան նախարարութիւնը օժանդակութիւն կը տրամադրէ սուրիական ընդդիմութեան վստահելի խմբաւորումներէն անո՛նց, որոնք «Իսլամական պետութեան» դէմ կը պայքարին», աւելցնելով, որ այդ օժանդակութիւններուն մէջ երբեք քիմիական թունաւոր նիւթեր չեն եղած։ Իր կարգին, ՄԱԿի մօտ Բրիտանիոյ առաքելութիւնը յայտարարեց. «Բրիտանիան Սուրիոյ մէջ որեւէ կողմի որեւէ զէնք չի մատակարարեր»:

Նշենք, որ Սուրիոյ արտաքին գործոց փոխնախարար Ֆայսալ Մըքտատ իր կարգին յայտարարած էր, որ ընդդիմադիր զինեալներուն հեռանալէն ետք, անոնց պահեստանոցներուն մէջ յայտնաբերուած են քիմիական նիւթեր, որոնք կ՛արտադրուին Միացեալ Նահանգներու եւ Բրիտանիոյ մէջ:

LEAVE A REPLY

Please enter your comment!
Please enter your name here