Գիտութեան Մարզի Զարգացման 2017-2020 Ռազմավարական Ծրագիրը Արժանացաւ Հայաստանի Կառավարութեան Համաձայնութեան

0
210

ԵՐԵՒԱՆ.- Հինգշաբթի,17 Օգոստոսի կառավարութեան նիստին ընթացքին հաստատուեցաւ Հայաստանի մէջ գիտութեան զարգացման 2017-2020 թուականներու ռազմավարական ծրագիրը: Համապատասխան որոշումին նախագիծը ներկայացուցած էր Հայաստանի կրթութեան եւ գիտութեան նախարար Լեւոն Մկրտչեանը:

Ռազմավարական ծրագիրով նախատեսուած են այս մարզի մարտահրաւէրներու պատասխաններուն ուղղուած հիմնական լուծումներն ու անոնցմով պայմանաւորուած միջոցառումները, ինչպէս նաեւ ծրագիրի իրականացման արդիւնաւէտութեան գնահատման առանցքային ցուցանիշները՝ ըստ նպատակներու:

Ծրագիրի դիտարկումը պիտի իրականացնէ Հայաստանի կրթութեան եւ գիտութեան նախարարութեան գիտութեան պետական կոմիտէն՝ տարեկան պարբերականութեամբ: Ամէն տարի Հայաստանի Հանրապետութեան կառավարութեան պիտի ներկայացուի հաշուետուութիւն՝ ծրագիրի արդիւնաւէտութեան առանցքային ցուցանիշներուն ուղղութեամբ տուեալ տարուան նախորդող տարուան կատարողականին եւ յաջորդող երեք տարիներու կանխատեսումներուն վերաբերեալ:

Անոնց արդիւնքով, կարելի պիտի ըլլայ հանրապետութեան մէջ ձեւաւորել միջազգային ասպարէզին մրցունակ, Եւրոպական հետազօտական տարածքին հետ համարկումի եւ այդ հետազօտական տարածքին մէջ իր մասնագիտացման տիրոյթը ձեւաւորող ազգային գիտական համակարգ, որ պիտի խթանէ գերազանցութիւնը հիմնարար ու կիրառական հետազօտութիւններու մէջ եւ պիտի նպաստէ հանրապետութեան տնտեսական զարգացման ու յառաջընթացքին:

LEAVE A REPLY

Please enter your comment!
Please enter your name here