Թրքական Կայանէն Ցուցադրուած Անդրէասեանի Ֆիլմը Բողոքի Ալիք Բարձրացուց

0
119

ԵՐԵՒԱՆ, «Էրմենիհապեր».- Թրքական «KanalD» պատկերասփիւռի կայանէն ցուցադրուած է ռուսական արտադրութեամբ եւ «Պահապանները» խորագրուած երեւակայական սեռի ֆիլմը, որ թրքական մամուլին մէջ բողոքի ալիք բարձրացուցած է։

Դժգոհութեան պատճառը այն է, որ ֆիլմին մէջ Արարատ լեռը եւ Վանայ լիճը ներկայացուած են իբրեւ Հայաստանի մէկ մասը: Ֆիլմին մէջ, դերասաններուն միջեւ տեղի ունեցած երկխօսութեան ընթացքին, կ՛օգտագործուի նաեւ՝ «Հայաստանի մէջ, Արարատ լերան մօտերը» արտայայտութիւնը:

Ֆիլմի ցուցադրութեան առնչութեամբ քննադատական հրապարակում տեղ գտած է նաեւ թրքական «Այտընլըք» թերթին մէջ, ուր կ՛ըսուի, թէ նշեալ կայանը միլիոնաւոր մարդոց կը ստիպէ դիտել թրքերէն թարգմանութեամբ արտասահմանեան ֆիլմ մը, որ չի ճանչնար «Թուրքիոյ տարածքային ամբողջականութիւնը»: Թերթին սոյն յօդուածը կը կրէ «Արարատը Հայաստանին Տուին» վերնագիրը:

Նշենք, որ «Պահապանները» ֆիլմին բեմադրիչը ռուսահայ Սարիկ Անդրէասեանն է:

LEAVE A REPLY

Please enter your comment!
Please enter your name here