Նախարար Մինասեան Պարգեւատրեց «ԻԼ-76» Օդանաւի Անձնակազմը

0
146

ԵՐԵՒԱՆ.- Հայաստանի Հանրապետութեան բնապահպանութեան նախարար Արծուիկ Մինասեան պարգեւատրեց Խոսրովի Անտառ պետական արգելոցի հրդեհաշիջման աշխատանքներուն մասնակից Ռուսիոյ արտակարգ իրավիճակներու նախարարութեան յատուկ նշանակութեան «ԻԼ-76» օդանաւի անձնակազմը:

Նախարար Արծուիկ Մինասեան շնորհակալութիւն յայտնեց օդանաւի անձնակազմի բոլոր անդամներուն վերաբերմունքին, մեծ պատասխանատուութեամբ իրականացուցած աշխատանքին համար:

Նախարարին հրամանով՝ Հայաստանի Հանրապետութեան բնապահպանութեան նախարարութեան Խոսրովի Անտառ պետական արգելոցի տարածքին մէջ բռնկած հրդեհի շիջման աշխատանքներուն մէջ բացառիկ ծառայութիւն մատուցելու եւ ցուցաբերած բարձր մակարդակի աշխատանքին համար «ԻԼ-76» յատուկ նշանակութեան օդանաւի հրամանատար Եւկենի Սերիխին շնորհեց Հայաստանի Հանրապետութեան բնապահպանութեան նախարարութեան «Բնապահպանութեան բնագաւառին մէջ նշանակալի աւանդին համար» նախարարութեան ոսկիէ մետալը:

Հրդեհաշիջման աշխատանքներուն մասնակցած «ԻԼ-76» յատուկ նշանակութեան օդանաւի անձնակազմի բոլոր անդամները պարգեւատրուեցան նախարարութեան շնորհակալագիրներով եւ անհատոյց ու ցմահ Հայաստանի բնապահպանութեան նախարարութեան բնութեան յատուկ պահպանուող տարածքները այցելելու վկայականով:

Նշենք, որ «ԻԼ-76» յատուկ նշանակութեան օդանաւի անձնակազմը նախարարութեան մետալներով պարգեւատրեց նաեւ արտակարգ իրավիճակներու նախարար Դաւիթ Տօնոյեան:

LEAVE A REPLY

Please enter your comment!
Please enter your name here