Հայաստանի Մէջ Ծանր Յանցագործութիւնները Նուազած Են

0
111

ԵՐԵՒԱՆ.- Ծանր եւ առանձնապէս ծանր յանցագործութիւններու թիւը նուազած է, իսկ անոնց բացայայտման ցուցանիշները՝ բարելաւուած:

Հայաստանի գլխաւոր դատախազութիւնը կը տեղեկացնէ, որ մասնաւորապէս 2017-ի առաջին կիսամեակին, հանրապետութեան տարածքին էապէս նուազած են ծանր կամ առանձնապէս ծանր յանցագործութիւններու, հրազէնի, ռազմամթերքի գործադրութեամբ կատարուած յանցագործութեան դէպքերը: Եթէ 2016-ի առաջին 6 ամիսներուն ընթացքին հանրապետութեան տարածքին արձանագրուած է ծանր յանցագործութեան 1613, առանձնապէս ծանր յանցագործութեան 116, հրազէնի, ռազմամթերքի գործադրումով կատարուած յանցագործութեան 36 դէպք, ապա 2017-ի առաջին կիսամեակին՝ ծանր յանցագործութեան 1210, առանձնապէս ծանր յանցագործութեան 91, հրազէնի, ռազմամթերքի գործադրութեամբ կատարուած յանցագործութեան 27 դէպք: Այսինքն՝ այս տարուայ առաջին 6 ամիսներուն 25 տոկոսով նուազած են ծանր, 21,6 տոկոսով՝ առանձնապէս ծանր, 25 տոկոսով՝ հրազէնի, ռազմամթերքի գործադրութեամբ կատարուած յանցագործութիւնները:

2016ի առաջին կիսամեակին արձանագրուած է սպանութեան 39, սպանութեան փորձի 17 դէպք, իսկ 2017-ի նոյն ջամանակամիջոցին՝ սպանութեան 25, սպանութեան փորձի 13 դէպք:

Բարելաւուած է այս յանցատեսակներով բացայայտման ցուցանիշը: 2016ի առաջին կիսամեակին արձանագրուած ծանր յանցագործութեան 1613 դէպքէն բացայայտուած է 891-ը, 2017-ին՝ 1210 ծանր յանցագործութիւններէն բացայայտուած են 799-ը:

LEAVE A REPLY

Please enter your comment!
Please enter your name here