Փայլան Դատ Բացած Է Քրիստոնեաները «Կեաւուր» Անուանած Յօդուածագիրին Դէմ

0
132

ԵՐԵՒԱՆ, «Եռագոյն».- Թուրքիոյ քրտամէտ Ժողովուրդներու ժողովրդավարական կուսակցութեան հայ պատգամաւոր Կարօ Փայլան բողոք ներկայացուցած է թրքական «Ենի Շաֆաք» թերթի սիւնակագիր Հայրետտին Քարամանի դէմ, որ իր յօդուածներէն մէկուն մէջ վիրաւորած էր քրիստոնեաները:

«Կեաւուրը (անհաւատը) բարեկամ չի դառնար, խոզի կաշիէն ալ սփռոց չի պատրաստուիր», գրած էր սիւնակագիրը: Քարաման իր գրութեան մէջ նաեւ մէջբերումներ կատարած էր Քուրանէն՝ իսլամ եւ ոչ-իսլամ ժողովուրդներու փոխյարաբերութիւններուն մասին:

Կարօ Փայլան Քարամանի դէմ բողոք ներկայացուցած է Թուրքիոյ դատախազութեան՝ ատելութիւն սերմանելու եւ քրիստոնեաները նուաստացնելու մեղադրանքներով:

LEAVE A REPLY

Please enter your comment!
Please enter your name here