Աշխարհի Ախոյեանները Հայաստան Վերադարձան

0
192

ԵՐԵՒԱՆ.- Յունահռոմէական ոճի ըմբշամարտի հաւաքականը Քիեւ-Երեւան չուերթով, Չորեքշաբթի, 23 Օգոստոսին, Փարիզէն ժամանեց Երեւան: Փարիզի մէջ հաւաքականը կը մասնակցէր ըմբշամարտի աշխարհի ախոյեանութեան:

Մեր մարզիկները օդակայանին մէջ դիմաւորեց Հայաստանի ողիմպիական կոմիտէի նախագահ Գագիկ Ծառուկեան եւ Հայաստանի մարմնակրթութեան եւ երիտասարդութեան հարցերու նախարար Հրաչեայ Ռոստոմեան, որոնք դափնիներ յանձնեցին նոր ախոյեաններուն եւ անոնց մարզիչներուն:

Յունահռոմէական ոճի ըմբաշամրտի հաւաքականը «Զուարթնոց» օդակայանին մէջ դիմաւորեցին նաեւ հարիւրաւոր հայրենակիցներ:

Յիշեցնենք, որ մեր ընտրանին երկու ոսկիէ մետալ նուաճեց աշխարհի ախոյեանութեան. 98 քկ. կշիռքի կարգին մէջ հաւասարող չունեցաւ Արթուր Ալեքսանեան, իսկ 80 քկ. կշիռքի կարգին մէջ, աշխարհի լաւաագոյն ըմբիշ ճանչցուեցաւ Մաքսիմ Մանուկեան:

LEAVE A REPLY

Please enter your comment!
Please enter your name here