Այօուա Դարձաւ Ցեղասպանութիւնը Ճանչցող 47-րդ Նահանգը

0
101

ՏԷ ՄՈՅՆ, Այօուա.- Ամերիկայի Հայ Դատի յանձնախումբը կը տեղեկացնէ, թէ Այօուա նահանգը Հինգշաբթի, 24 Օգոստոսին դարձաւ Հայոց Ցեղասպանութիւնը ճանչցած 47-րդ նահանգը, երբ նահանգապետ Քիմ Ռէյնըլտզ այդ կապակցութեամբ հռչակագիր մը ստորագրեց։

Շրջապատուած այդ նահանգի հայ համայնքին ներկայացուցիչներով, նահանգապետ Ռէյնըլտզ նախ ընթերցեց, ապա ստորագրեց Հայոց Ցեղասպանութեան ոգեկոչման նուիրուած հռչակագիրը, ըստ որուն՝ այս տարուան Հոկտեմբեր ամիսը կը հռչակուի՝ «Հայաստանի մասին իրազեկման ամիս»:

Հռչակագիրին մէջ նշուած է.

«1915-1923 թուականներուն իրականացած Հայոց Ցեղասպանութեան ընթացքին, մէկ միլիոն հայեր՝ կանայք, տղամարդիկ եւ երեխաներ սպաննուած են հայոց հողերուն վրայ, ինչպէս նաեւ մէկ միլիոն յոյներ եւ ասորիներ կոտորուած են՝ Օսմանեան կայսրութեան նախաձեռնած ցեղասպանական գործողութիւններուն իբրեւ հետեւանք: Այս զոհերը տակաւին ծարաւ են արդարութեան:

Մենք պարտաւոր ենք դատապարտելու պատմական այն բոլոր դէպքերը, որոնք տեղի ունեցած են անցեալին, ներառեալ՝ Հայոց Ցեղասպանութիւնը, Ողջակիզումը, «Իսլամական պետութեան» գործողութիւնները Իրաքի մէջ, Տարֆուրի, քրիստոնեաներու ու այլ կրօնքներու եւ ամբողջ մարդկութեան դէմ իրականացուած յանցագործութիւնները: Այսպիսով, 2017ի Հոկտեմբերը կը հռչակուի՝ «Հայաստանի մասին իրազեկման ամիս»:

LEAVE A REPLY

Please enter your comment!
Please enter your name here