Իրան Կը Հերքէ Թուրքիոյ Հետ Իրաքի Քիւրտերուն Դէմ Միացեալ Գործողութեան Մը Մասին Պնդումը

0
130

ԹԵՀՐԱՆ.- Իրանի Յեղափոխական պահակագունդը հերքեց Թուրքիոյ նախագահ Ռեչեփ Թայիփ Էրտողանի այն պնդումը, թէ երկու երկիրները Իրաքի եւ Սուրիոյ քիւրտերուն դէմ միացեալ զինուորական գործողութիւն մը կը ծրագրեն։ Պահակագունդը հաղորդագրութիւն մը հրապարակելով՝ յայտնեց. «Պիտի շարունակենք դէմ դնել որեւէ ուժի, խմբաւորումի, խմբակի կամ անձի, որ կը փորձէ ներթափանցել իրանեան հողերը՝ ահաբեկչական գործողութիւններ շղթայազերծելու կամ մեր ապահովութիւնը քայքայելու համար»:

Յիշեցնենք, որ Էրտողան քանի մը օր առաջ յայտարարած էր, թէ Իրանի հետ համատեղ՝ Սուրիոյ եւ Իրաքի մէջ քիւրտ զինեալներուն դէմ միացեալ զինուորական գործողութիւն մը օրակարգի վրայ է:

LEAVE A REPLY

Please enter your comment!
Please enter your name here