Արցախի Մէջ Տեղի Պիտի Ունենայ Գինիի Չորրորդ Փառատօնը

0
135

ՍՏԵՓԱՆԱԿԵՐՏ, «Արմրադիօ».- 16 Սեպտեմբերին, Տող գիւղին մէջ, Մելիքական ապարանքի տարածքին վրայ տեղի պիտի ունենայ Արցախեան գինիի չորրորդ փառատօնը, որուն պիտի մասնակցին տասնեակ գինեգործներ Արցախէն եւ Հայաստանէն:

Արդէն աւանդական դարձած փառատօնի ծիրին մէջ կը նախատեսուի գինիի եւ գիւղատնտեսական արտադրանքի տօնավաճառ, արուեստի գործերու ցուցահանդէս, «Տողի Մելիքական ապարանքի գանձերը» ցուցահանդէս, ազգագրական համերգ, ժամանակակից երաժշտութիւն յայտնի DJ-ներու կատարումով, խմբային արշաւներ եւ զանազան այլ միռոցառումներ: Փառատօնի հիւրերը նաեւ պիտի համտեսեն արցախեան խոհանոցի ուտելիքներ: Այս տարի եւս փառատօնի մուտքը անվճար պիտի ըլլայ:

LEAVE A REPLY

Please enter your comment!
Please enter your name here