Սպան Հայրենիքը Պաշտպանելու Քաղաքացիական Պարտքը Մասնագիտութեան Վերածելու Կարեւոր Քայլ կը Կատարէ. Վիգէն Սարգսեան

0
107

ԵՐԵՒԱՆ.- Երբ սպան կ՛ընտրէ իր մասնագիտութիւնը, կը կատարէ հայրենիքը պաշտպանելու քաղաքացիական պարտքը մասնագիտութեան վերածելու շատ կարեւոր քայլ մը: Ըստ «Թերթ»ի՝ այս մասին, Ուրբաթ, 25 Օգոստոսին, Սարդարապատի մէջ ռազմական հաստատութիւններու շրջանաւարտներուն հաւաստագիր տրամադրելու հանդիսաւոր ձեռնարկէն ետք, լրագրողներու հետ զրոյցի մը ընթացքին յայտնեց պաշտպանութեան նախարար Վիգէն Սարգսեան:

«Կը կարծեմ, որ մեր շրջանաւարտներուն համար կազմակերպուած այս ձեռնարկները ցոյց տուին, որ այդ մասնագիտութիւնը կ՛ընտրեն շատ արժանապատիւ, շատ պինդ, շատ հայրենասէր տղաներ եւ աղջիկներ, որոնք որոշած են իրենց ամբողջ կեանքը կապել հայրենիքին ծառայելու սրբազան գործին հետ», ըսաւ նախարարը՝ աւելցնելով. «Մենք՝ իբրեւ հասարակութիւն, իբրեւ պետութիւն, պարտական ենք սպաներուն: Անոնց ամէնօրեայ աշխատանքը, ծառայութիւնը մեր երկրի անդորրն ու խաղաղութիւնն են։ Այս օրերուն, կը կարծեմ, մեր ամբողջ ժողովուրդը համախմբուած բարի ծառայութիւն, խաղաղ ծառայութիւն կը մաղթէ տղաներուն: Իսկ ես՝ իբրեւ պաշտպանութեան նախախար, իրենց մաղթած եմ յաղթական եւ հպարտ ծառայութիւն»։

LEAVE A REPLY

Please enter your comment!
Please enter your name here