Ռուսիա՝ Աննախադէպ Արտագաղթի Շեմին. «Սթրաթֆոր»

0
122

ՕՍԹԻՆ, Թեքսաս.- Ամերիկեան «Սթրաթֆոր» վերլուծական կեդրոնին գնահատումով, յառաջիկայ քանի մը տարիներուն Ռուսիայէն արտագաղթի մակարդակը պիտի աճի՝ հասնելով աննախադէպ մակարդակի մը։

Երկրէն սկսած են հեռանալու բարձրորակ մասնագէտներ, ինչ որ չափազանց ծանր ազդեցութիւն պիտի ունենայ տնտեսական ու քաղաքական կեանքին վրայ: Ըստ հիմնարկին՝ Ռուսիոյ երիտասարդութեան կէսը հոգեբանականօրէն պատրաստ է լքելու երկիրը, որովհետեւ վստահութիւն չունի երկրին իրաւապահ ու արդարադատութեան համակարգերուն հանդէպ: Արտագաղթին հասցուցած վնասը կրնայ տարեկան 1,5 եռիլիոն տոլարի հասնիլ: Երկրէն արդէն իսկ հեռացած են մօտաւորապէս 20.000 միլիոնատէրներ եւ միլիառատէրներ, որոնցմէ 6000-ը՝ վերջին երեք տարիներուն։ Անոնց մեծ մասը կը հաստատուի Միացեալ Նահանգներ, Գերմանիա, Գանատա եւ Ֆինլանտա: Ըստ ռուս մասնագէտներու՝ 1989-էն 2015 թուականներուն, երկրէն արտագաղթած է 4,5 միլիոն քաղաքացի:

LEAVE A REPLY

Please enter your comment!
Please enter your name here