Այժմեան Թուրքիոյ Միակ Հայկական Գիւղին Մասին Ֆիլմը Թրքերէն կը Թարգմանուի

0
151

Ամերիկացի գրող Գարոլին Թրենթճ Կիւրպուզի եւ Թուրքիայէն լուսանկարիչ-թղթակից Սայիտ Սետրքան Կիւրպուզի կողմէ 2012-ին այժմեան Թուրքիոյ միակ հայկական գիւղին մասին պատմող ֆիլմը կը թարգմանուի թրքերէն: Այս մասին կը հաղորդէ պոլսահայ «Ակօս» թերթը։

Անգարայի մէջ ԱՄ դեսպանատան հովանաւորութեամբ պատրաստուած «Փոքրացող համայնք․ Վագըֆ`Թուրքիոյ վերջին հայկական գիւղ» վերնագիրով վաւերագրական ֆիլմին մէջ ներկայացուած են 22 կենսագրական հատուած, 6 լուսանկարի պատմութիւն եւ երկու կարճ տեսագրութիւն: Մինչ այժմ ֆիլմը անգլերէնով հնարաւոր է դիտել vakifli.com կայքին վրայ:

Նշենք, որ Վագըֆ գիւղը Սուէտիոյ շրջանի 6 գիւղերէն մէկն է, որոնց բնակիչները հանդիսացած են հերոսական Մուսա Լերան հերոսամարտի մասնակիցները: 1939-ին Ֆրանսան Ալեքսանտրէթի Սանճաքը յանձնեց Թուրքիոյ: Վագըֆը կը հանդիսանայ այժմեան Թուրքիոյ վերջին ու միակ հայաբնակ գիւղը:

LEAVE A REPLY

Please enter your comment!
Please enter your name here