Հայաստան Եւ Չինաստան Կը Քննարկեն Ուղիղ Թռիչքներ Ունենալու Հարցը

0
107

ԵՐԵՒԱՆ.- Հայաստանի կառավարութեան առընթեր քաղաքացիական թռիչքուղիներու գլխաւոր վարչութեան (ՔԹԳՎ) պետ Սերգէյ Աւետիսեան աշնան Չինաստան պիտի այցելէ:

Այցի ծիրին մէջ, ըստ «Արմէնփրէս»ի, հնաւանական է ստորագրուի «Հայաստանի Հանրապետութեան կառավարութեան եւ Չինաստանի Ժողովրդական Հանրապետութեան կառավարութեան միջեւ օդային հաղորդակցութիւններու մասին» համաձայնագիրը եւ քննարկուին դէպի Հայաստան եւ հակառակ ուղղութեամբ հաւանական ուղիղ չուերթներու իրականացման մանրամասնութիւնները: Այս մասին ըսած է ՔԹԳՎ մամլոյ քարտուղար Սաթենիկ Յովհաննիսեան, շեշտելով, որ Սերգէյ Աւետիսեանի հրաւէրով Հայաստանի Հանրապետութիւն ժամանած էր Չինաստանի Ժողովրդական Հանրապետութեան քաղաքացիական թռիչքուղիներու վարչակազմի պետի տեղակալ Վանկ Ճիցինկի գլխաւորած բարձրաստիճան պատուիրակութիւնը:

Այցի ծիրին մէջ նախաստորագրուած է «Հայաստանի Հանրապետութեան կառավարութեան եւ Չինաստանի Ժողովրդական Հանրապետութեան կառավարութեան միջեւ օդային հաղորդակցութիւններու մասին» համաձայնագիրը եւ ստորագրուած երկու պետութիւններու թռիչքուղիներու իշխանութիւններուն միջեւ փոխըմբռնման յուշագիրը:

Հայկական պատուիրակութիւնը՝ ՔԹԳՎ պետ Սերգէյ Աւետիսեանի գլխաւորութեամբ, ստացած է հրաւէր մեկնելու Չինաստան, չինական թռիչքուղիներու ընկերութիւններու ներկայացուցիչներու հետ հանդիպելու նպատակով:

LEAVE A REPLY

Please enter your comment!
Please enter your name here