Ազգայնամոլներու Դէմ Ցոյցեր՝ Քալիֆորնիոյ Մէջ

0
116

ՊԸՐՔԼԻ, «Էյ.Փի.».- Շաբաթ եւ Կիրակի, 26-27 Օգոստոսին, ազգայնամոլներու կողմէ կազմակերպուած առնուազն երեք հաւաքներ ջնջուեցան, Սան Ֆրանսիսքոյի եւ Պըրքլիի մէջ անոնց ընդդիմացող ցուցարարներուն շնորհիւ։ Ազգայնամոլները նահանգին ամենայառաջդիմական քաղաքները ընտրած էին՝ իրենց քարոզչութիւնը կատարելու համար, սակայն պարտադրուեցան ջնջելու այդ հաւաքները։

Մինչ ցոյցերը սովորաբար խաղաղ էին, Պըրքլիի մէջ քանի մը ծայրայեղականներ յարձակած են վայր ժամանած ազգայնամոլներու փոքրաթիւ համակիրներու վրայ, որուն իբրեւ հետեւանք ոստիկանութիւնը միջամտած է՝ ձերբակալելով 14 հոգի։

Ազգայնամոլներու դէմ ցոցեր տեղի ունեցան նաեւ շարք մը այլ նահանգներու, ներառեալ՝ Նիւ Եորքի, Օհայոյի եւ Թենըսիի մէջ։

Միւս կողմէ, Միացեալ Նահանգներու նախագահ Տանըլտ Թրամփ որոշեց ներում շնորհել ազգայնամոլ իր կեցուածքներով ծանօթ եւ երկրին դաշնակցային օրէնքները խախտելուն համար բանտարկութեան դատապարտուած Արիզոնայի ոստիկանապետներէն՝ Ճօ Արփայոյին, արժանանալով դեմոկրատ եւ նոյնիսկ հանրապետական ղեկավարներու քննադատութեանց։

LEAVE A REPLY

Please enter your comment!
Please enter your name here