Արցախ Այցելած Փորթուկալցի Երեսփոխանը՝ Պաքուի «Սեւ Ցանկ»ին Վրայ

0
124

ՊԱՔՈՒ, «Էյ.Փի.Էյ.».- Ատրպէյճանի մօտ Փորթուկալի դիւանագիտական գործերու ժամանակաւոր հաւատարմատար Հորհէ Կապրիէլ 28 Օգոստոսին կանչուած է Ատրպէյճանի արտաքին գործոց նախարարութիւն, ուր անոր բողոք ներկայացուած է Փորթուկալի խորհրդարանի անդամ Ռուպինի Պերարտինի դէմ՝ վերջինիս «Ատրպէյճանի գրաւեալ տարածքներ ապօրինի այցելութեան» կապակցութեամբ:

Ակնարկութիւնը կ՛երթայ երեսփոխանին անցեալ շաբաթ Արցախ կատարած այցին։

Ատրպէյճանի արտաքին գործոց նախարարութեան մամլոյ ծառայութեան ղեկավար Հիքմեթ Հաճիեւ յայտնած է, որ փորթուկալցի երեսփոխանը արդէն իսկ ներառուած է Պաքուի «սեւ ցանկ»ին մէջ՝ իբրեւ անբաղձալի տարր։

Հաւատարմատարը իր կարգին յայտնած է, որ այդ այցը պաշտօնական բնոյթ չէ ունեցած, եւ թէ իր երկրի արտաքին գործոց նախարարութեան պաշտօնական կայքին վրայ զետեղուած է յայտարարութիւն մը, որ երկրի քաղաքացիներուն կոչ կ՛ընէ Լեռնային Ղարաբաղ չայցելել:

LEAVE A REPLY

Please enter your comment!
Please enter your name here