Քըլըճտարօղլու Կը Խոստանայ Արդարութեան Համար Պայքարը Շարունակել

0
140

ԱՆԳԱՐԱ, «Ռոյթըրզ».- Թուրքիոյ կառավարութեան գլխաւոր ընդդիմադիր՝ Հանրապետական ժողովրդային կուսակցութիւնը, շաբաթավերջին եւ Երկուշաբթի օր իրականացուց եռօրեայ համաժողովը մը՝ «Արդարութիւն» ընդհանուր խորագիրին տակ։

Համաժողովի գլխաւոր դերակատարը կուսակցապետ Քեմալ Քըլըճտարօղլուն էր, որ իր՝ «Արդարութիւն» խորագրուած եւ Անգարայէն Պոլիս երկարած քայլարշաւէն ետք, այս հաւաքը կազմակերպեց՝ շեշտելու համար, որ արդարութեան որոնումը պիտի շարունակուի, հակառակ իշխանութիւններուն կողմէ իր եւ իր կուսակցութեան հասցէին շարունակուող սպառնալիքներուն։

Քըլըճտարօղլու պնդեց, որ ինքն ու իր համախոհները «ժայռի մը նման պիտի կանգնին անարդարութիւններու դիմաց», առանց զիջումներ կատարելու։ «Ճիտիս պարտքն է այս երկրէն ներս հաստատել արդարութիւնն ու իրաւական կարգավիճակը. ասոր մէջ պիտի յաջողինք», ըսաւ ան։

LEAVE A REPLY

Please enter your comment!
Please enter your name here