Իրանի Հետ Հիւլէական Հարցին Շուրջ Համաձայնութեան Այլընտրանք Չկայ. Մաքրոն

0
167

ՓԱՐԻԶ, «Ա. Էֆ.Փէ.».- Ֆրանսայի նախագահ Էմանուէլ Մաքրոն, իր երկրի դեսպաններուն հետ Էլիզէի պալատին մէջ տարեկան հաւաքին ընթացքին ըսաւ, որ Իրանի հետ հիւլէական թղթածրարին շուրջ դիւանագիտական համաձայնութեան այլընտրանք գոյութիւն չունի:

«Ռուսիոյ, Թուրքիոյ եւ Իրանի հետ մեր հասարակաց նպատակն է՝ «Իսլամական պետութիւն»ը պարտութեան մատնել, քիմիական զէնքի օգտագործման առջեւ կարմիր գիծ քաշել եւ շրջափակուածներուն օժանդակութիւն հասցնել», ըսաւ ան: Մաքրոն նաեւ նշեց, որ իր երկրի արտաքին գործոց նախարար Ժան Իվ Լոտրիան ՄԱԿ-ի Ընդհանուր ժողովի յառաջիկայ նիստին ընթացքին պիտի առաջարկէ Սուրիոյ վերաբերեալ յատուկ խմբակ մը յառաջացնել:

Ֆրանսայի նախագահը աւելցուց, որ «ծայրայեղական իսլամներուն» դէմ պայքարը իր արտաքին քաղաքականութեան առաջնահերթութիւնն է՝ նշելով, որ իր երկիրը ահաբեկչութեան նիւթական օժանդակութիւնները կասեցնելու համար, կ՛ուզէ գործակցիլ Եգիպտոսի, Յորդանանի եւ շրջանի այլ երկիրներու հետ:

LEAVE A REPLY

Please enter your comment!
Please enter your name here