Սերժ Սարգսեան Անվտանգութեան Խորհուրդի Նիստ Հրաւիրեց

0
160

ԵՐԵՒԱՆ.- Հայաստանի նախագահ, Ազգային անվտանգութեան խորհուրդի նախագահ Սերժ Սարգսեան Չորեքշաբթի, 30 Օգոստոսին հրաւիրեց Ազգային անվտանգութեան խորհուրդի նիստ, որուն ընթացքին քննարկուաեցան «Պաշտպանութեան մասին» եւ «Զինուորական ծառայութեան եւ զինծառայողի կարգավիճակի մասին» Հայաստանի օրէնքներու նախագիծերը:

Սերժ Սարգսեան յայտնեց, որ այսօրուընէ կը մեկնարկէ սահմանադրական փոփոխութիւններով պայմանաւորուած կարեւորագոյն օրինագիծերու քննարկումներու շարքը, եւ օրակարգի վրայ ներառնուած նախագիծերուն մէջ տակաւնին կան շատ հարցեր, որոնք մանրակրկիտ, բազմակողմանի քննարկման եւ յստակացման կարիք ունին:

Օրակարգի վերոնշեալ հարցերը խորհուրդի անդամներուն զեկուցec պաշտպանութեան նախարար Վիգէն Սարգսեան: Ան յայտնեց, որ «Պաշտպանութեան մասին» օրէնքը կը կարգաւորէ Հայաստանի պաշտպանութեան կազմակերպման իրաւական հիմքերը, պաշտպանութեան ոլորտին մէջ պետական եւ տարածքային կառավարման, տեղական ինքնակառավարման մարմիններու, պաշտօնատար անձերու, կազմակերպութիւններու՝ անկախ կազմակերպական իրաւական ձեւէ, զինուած ուժերու եւ այլ զօրքերու գործունէութիւնը:

Անիկա նաեւ կը կարգաւորէ Հայաստանի պաշտպանութեան մասնակցելու գործընթացին մէջ քաղաքացիներու իրաւունքները եւ պարտականութիւնները, ինչպէս նաեւ զօրահաւաքային նախապատրաստութեան եւ զօրահաւաք իրականացնելու հետ կապուած յարաբերութիւնները:

«Զինուորական ծառայութեան եւ զինծառայողի կարգավիճակի մասին» օրէնքը կը կարգաւորէ Հայաստանի քաղաքացիներուն կողմէ Հայաստանի պաշտպանութեան մասնակցելու սահմանադրական պարտականութեան ծիրէն ներս քաղաքացիներու զինուորական ծառայութեան նախապատրաստութեան, զինուորական ծառայութեան եւ պահեստազօրային պատրաստութեան կազմակերպման եւ իրականացման, ինչպէս նաեւ զինծառայողներու, անոնց ընտանիքներու անդամներուն ու զինծառայողներուն հաւասարեցուած անձերուն իրաւական եւ ընկերային երաշխիքներու հետ կապուած յարաբերութիւնները:

Պաշտպանութեան նախարարը տեղեկացուց, որ մշակուած նախագիծերու քննարկումները պիտի մեկնարկեն 31 Օգոստոսի կառավարութեան նիստին ընթացքին:

LEAVE A REPLY

Please enter your comment!
Please enter your name here