Հոկլընտի Յայտարարութիւնը Նորութիւն Չէ՛. Զախարովա

0
132

ԵՐԵՒԱՆ, «Նիուզ».- «Յոյս ունինք, որ ԵԱՀԿ Մինսկի խմբակի ամերիկացի նոր համանախագահի նշանակումով՝ խմբային աշխատանքի ոգին կը պահպանուի»,31 Օգոստոսին յայտարարած է Ռուսիոյ արտաքին գործոց նախարարութեան պաշտօնական ներկայացուցիչ Մարիա Զախարովա:

Պատասխանելով ամերիկացի նախորդ համանախագահ Ռիչըրտ Հոկլընտի վերջին յայտարարութիւններուն վերաբերեալ հարցումի մը՝ Զախարովա ըսած է, որ նորութիւն չկային անոնց մէջ. «Անոնք բազմիցս կրկնուած են Ռուսիոյ, Ամերիկայի եւ Ֆրանսայի նախագահներուն կողմէ՝ Լեռնային Ղարաբաղի հակամարտութեան կարգաւորման վերաբերեալ իրենց համատեղ յայտարարութիւններուն մէջ, որոնք կատարուած են 2009-էն 2013 թուականներուն միջեւ», աւելցուցած է ան:

Միաժամանակ, Զախարովա ընդգծած է, որ Ռուսիա կ՛ողջունէ նոր համանախագահ Էնտրու Շոֆըրի նշանակումը՝ յոյս յայտնելով, որ համանախագահները «թարմացուած կազմով կը շարունակեն իրենց ջանքերը՝ ուղղուած հակամարտութեան երկու կողմերուն աջակցութեան»։

LEAVE A REPLY

Please enter your comment!
Please enter your name here