Վիգէն Սարգսեանի Պաշտօնական Այցելութիւնը Չինաստան

0
177

Երկուշաբթի, 4 Օգոստոսի առաւօտեան, Հայաստանի հանրապետութեան պաշտպանութեան նախարար Վիգէն Սարգսեանի գլխաւորած պատուիրակութիւնը հիւրընկալուած է «Փոլի կրուփ» ընկերութեան մէջ,Փեքին:

Հայաստանի պաշտպանութեան նախարարութենէն կը յայտնեն, որ պաշտպանական, ուժանիւթի եւ հանքարդիւնաբերութեան, անշարժ գոյքի եւ մշակոյթի ոլորտներին մէջ մասնագիտացած ընկերութիւնը ամէնամեծ ընկերութիւններէն է Չինաստանի մէջ։ Վերջին տարիներուն ընկերութիւնը հսկայական յառաջընթաց ունեցած է նաեւ ռազմարդիւնաբերութեան մէջ` սպառազինութեան համաշխարհային շուկայ ներմուծելով տարբեր զինատեսակներ, որոնք յաջողութեամբ կը մրցակցին աւանդաբար այդ շուկային մէջ առաջակարգ եղող երկիրներու համանման արտադրանքներու հետ:

Ընկերութեան ղեկավարութեան հետ կայացած հանդիպման ընթացքին կողմերը, բարձր գնահատելով երկու ժողովուրդներու աւանդական եւ բարեկամական յարաբերութիւնները, պատրաստակամութիւն յայտնած են շարունակել աշխոյժ քննարկումները` պաշտպանական ոլորտին մէջ փոխշահաւէտ համագործակցութեան հեռանկարներու եւ հնարաւորութիւններու շուրջ:

Բանակցութիւններու աւարտին Վիգէն Սարգսեան շրջայց կատարած է ընկերութեան թանգարանը, ուր ներկայացուած են չինական մշակոյթի հնագոյն եւ արժէքաւոր ցուցանմոյշներ:

LEAVE A REPLY

Please enter your comment!
Please enter your name here