Վիգէն Սարգսեան Չինաստանի Ազգային Պաշտպանութեան Ակադեմիային Մէջ Հանդէս Եկած է Դասախօսութեամբ

0
148

Երեքշաբթի, 5 Սեպտեմբերի առաւօտեան, Հայաստանի պաշտպանական գերատեսչութեան ղեկավարը այցելած է Չինաստանի ազգային պաշտպանութեան ակադեմիայ:

Չինաստանը մեծ ուշադրութիւն կը ցուցաբերէ ռազմական կրթութեան: Երկրին մէջ կը գործեն շարք մը ռազմակրթական հաստատութիւններ, որոնք մասնագէտներ կը պատրաստեն ե՛ւ Չինաստանի, ե՛ւ այլ երկիրներու զինուած ուժերուն համար: Ազգային պաշտպանութեան ակադեմիան ՉԺՀ առանցքային կրթօճախներէն մէկն է, որուն հետ Հայաստանը ունի համագործակցութեան մեծ փորձ:

ՀՀ պաշտպանութեան նախարարութեան տեղեկատւութեան եւ հասարակայնութեան հետ կապերու վարչութեան հաղորդած տեղեկութիւններով` ակադեմիայի ղեկավար կազմին հետ հանդիպման ժամանակ՝ Հայաստանի Հանրապետութեան պաշտպանութեան նախարար Վիգէն Սարգսեան գոհունակութեամբ խօսած է տարիներու ընթանցքինք կուտակուած այդ փորձին մասին` շնորհակալութիւն յայտնելով հայ սպաներու հանդէպ ցուցաբերուած վերաբերմունքին համար: Ըստ ակադեմիայի ղեկավարութեան` հայ զինուորականները իրենց կը դրսեւորեն բացառապէս դրական կողմերով եւ փայլուն արդիւնքներու կը հասնին կրթութեան մէջ:

Վիգէն Սարգսեան ակադեմիայի սաներուն համար հանդէս եկած է դասախօսութեամբ, որուն ընթացքին անդրադարձած է հայ-չինական պատմական ընդհանրութիւններուն, հայկական բանակի ձեւաւորման փուլերուն, ներկայացուցած է ղարաբաղեան հիմնախնդիրը, ինչպէս նաեւ խօսած է տարածաշրջանային հիմնախնդիրներուն մասին` ժամանակակից մարտահրաւէրներու լոյսի տակ:

ՀՀ պաշտպանական գերատեսչութեան ղեկավարը պատասխանած է նաեւ ակադեմիայի սաներու հարցերուն:

Դասախօսութեան աւարտին՝ Վիգէն Սարգսեան շրջած է ակադեմիայի տարածքին մէջ, ծանօթացած ուսումնական ծրագիրներուն եւ կրթական հնարաւորութիւններուն:

LEAVE A REPLY

Please enter your comment!
Please enter your name here