ՀՀ Նախագահը Ներկայ Եղած է «Երեւան Շօ-2017» Ոսկերչական Ցուցահանդէսի եւ «Ալեքս Թեքսթիլ» Ընկերութեան Նոր Արտադրամասի Բացման

0
158

ՀՀ Նախագահ Սերժ Սարգսեան եւ տիկին Ռիթա Սարգսեան,  Հինգշաբթի, 5  Հոկտեմբերին, մայրաքաղաքի Մերիտիըն ցուցահանդէսային կեդրոնին մէջ, ներկայ եղած են 5-8  Հոկտեմբերին  իրականացուող «Երեւան շօ-2017» ոսկերչական իրերու եւ ժամացոյցներու միջազգային 8-րդ ցուցահանդէսի բացման արարողութեան: Այս մասին կը տեղեկացնեն ՀՀ Նախագահի աշխատակազմի հասարակայնութեան եւ տեղեկատւութեան միջոցներու հետ կապերու վարչութենէն:

Հանրապետութեան Նախագահը՝ ոլորտի պատասխանատուներուն եւ կազմակերպիչներուն ուղեկցութեամբ՝ շրջած է ոսկերչական ազատ տնտեսական գօտիի տարածքին մէջ ու ծանօթացած Հայ ոսկերիչներու համաշխարհային միութեան (AJA) կազմակերպած ցուցահանդէսին, դիտած է հայրենական եւ օտար ընկերութիւններու ներկայացուցած ոսկերչական զարդերը, ոսկերչական արտադրութեան սարքերը, ադամանդի եւ այլ թանկարժէք ու կիսաթանկարժէք քարերու մշակումով ստեղծուած իրերը, ծանօթացած մասնակից ընկերութիւններու գործունէութեան ու ծրագիրներուն:

Ոսկերչական ցուցահանդէսէն ետք՝ Հանրապետութեան Նախագահը այցելած է նաեւ Հայաստանի թեթեւ արդիւնաբերութեան ոլորտի առաջատար ընկերութիւններէն մէկը` «Ալեքս թեքսթիլ» ընկերութիւն, ուր ներկայ եղած է ընկերութեան նոր` հագուստի արտադրութեան արտադրամասի բացման արարողութեան:

Հանրապետութեան Նախագահին՝ ընկերութեան հիմնադիրները՝ ներկայացուցած են ընկերութեան կողմէ իրականացուող աշխատանքներն ու զարգացման ծրագիրները: Սերժ Սարգսեան նաեւ ծանօթացած է կարի գործարանի նոր կառուցուող մասնաշէնքի նախագիծին եւ անոր համաձայն իրականացուելիք աշխատանքներուն: Նշուած է, որ նախնական հաշուարկով՝ պիտի կատարուի շուրջ 7 միլիոն եւրոյի ներդրում, որուն իբրեւ արդիւնք՝ գործարանը պիտի ունենայ շուրջ 3000 նոր աշխատատեղ:

LEAVE A REPLY

Please enter your comment!
Please enter your name here