Օտարները Կը Ցանկան «Մեղրի» Ազատ Տնտեսական Գօտիին Մէջ Ներդրումներ Կատարել Երկու Ուղղութիւններով

0
193

Օտարերկրեայ ներդրողները հետաքրքրուած են գործունէութիւն ծաւալելու «Մեղրի» ազատ տնտեսական գօտիին մէջ:  Երեւանի մէջ կայացած հանդիպման ժամանակ անոնք այդ մասին յայտնած են ՀՀ տնտեսական զարգացման եւ ներդրումներու նախարար Սուրէն Կարայեանին: Հանդիպման մասնակցած է նաեւ Արա Աբրահամեանը:

Նախարարութեան հասարակայնութեան հետ կապերու վարչութեան փոխանցմամբ, ներդրողները նշած են, որ հետազօտութիւն կատարելով ստեղծուող ԱՏԳ-ի վերաբերեալ եզրահանգած են, որ այն շատ գրաւիչ է ներդրումներ կատարելու տեսանկիւնէն:

Գործարարներու խօսքով`  հայկական ազատ տնտեսական գօտին կրնայ որպէս միջանցք հանդէս գալ Իրանի, ԵԱՏՄ-ի եւ ԵՄ-ի միջեւ: Անոնք  պատրաստակամութիւն յայտնած են ներդրումներ կատարելու երկու ուղղութիւններով` արտադրական ձեռնարկութիւն եւ ժամանցային ծառայութիւններ:

LEAVE A REPLY

Please enter your comment!
Please enter your name here