Հինգերորդ Տարին Ըլլալով Համազգայինի «Լիւսի Թիւթիւնճեան» Ցուցասրահը Կը Մասնակցի «Պէյրութ Արթ Ֆեր»-ին` Միսաք Թերզեանի, Կիւլէն Տէր Պօղոսեանի, Ռիթա Հասուանիի, Ղասսան Օուէյսի Եւ Մարալ Տէր Պօղոսեանի Գործերով

0
354

Կազմակերպութեամբ «Պէյրութ Արթ Ֆեր»-ին, 21 սեպտեմբեր 2017-ին, երեկոյեան ժամը 6:00-ին, «Պիել»-ի մէջ տեղի ունեցաւ այս տարուան «Պէյրութ Արթ Ֆեր» ցուցահանդէսին բացումը: Այս տարի «Պէյրութ Արթ Ֆեր»-ին մասնակցեցան 23 երկիրներէ 51 ցուցասրահներ եւ մեծ թիւով արուեստագէտներ:

Համազգայինի «Լիւսի Թիւթիւնճեան» ցուցասրահը 5-րդ տարին ըլլալով մասնակցեցաւ «Պէյրութ Արթ Ֆեր»-ին եւ ներկայացուց Միսաք Թերզեանի, Կիւլէն Տէր Պօղոսեանի, Ռիթա Հասուանիի, Ղասսան Օուէյսի եւ Մարալ Տէր Պօղոսեանի գործերը:

Արդի կերպարուեստի եւ գեղանկարչութեան զանազան դպրոցներու ստեղծագործական արտայայտութիւններ իրենց դրոշմը դրած էին ցուցահանդէսին վրայ: Պէտք է նշել, որ Համազգայինի տաղաւարը ստեղծեց լայն հետաքրքրութիւն եւ արժանացաւ այցելուներու գնահատանքին:

«Պէյրութ Արթ Ֆեր» ցուցահանդէսի տեւողութիւնն էր 21-24 սեպտեմբեր 2017:

LEAVE A REPLY

Please enter your comment!
Please enter your name here