Մոկատիշուի Յարձակումին Զոհերու Թիւը Կ՛անցնի 320-ը

0
143

ՄՈԿԱՏԻՇՈՒ, «Ռոյթըրզ».- Սոմալիոյ մայրաքաղաք Մոկատիշուի մէջ Շաբաթ,  14 Հոկտեմբերին տեղի ունեցած ահաբեկչական երկու պայթումներու զոհերուն թիւը անցաւ 320-ը, երբ քանի մը վիրաւորներ մահացան Երկուշաբթի օր։ Նոյն պայթումներուն իբրեւ հետեւանք վիրաւորուած էին աւելի քան 200 ուրիշներ:

Մոկատիշուի հարաւային շրջանին մէջ նախ ականուած ինքնաշարժ մը պայթած էր, ապա առատ հրացանաձգութիւն արձանագրուած եւ մայրաքաղաքի այլ շրջանի մը մէջ առնուազն այլ պայթում մը արձանագրուած էր:

Առաջին պայթումին թիրախը կառավարական գրասենեակներու, պանդոկներու եւ ճաշարաններու մօտ գտնուող խճողուած թաղ մըն էր:

Միջազգային դատապարտումի արժանացած այս յարձակումին պատասխանատու կը նկատուի իսլամ ծայրայեղականներու «Շապապ» կազմակերպութիւնը։

LEAVE A REPLY

Please enter your comment!
Please enter your name here