Անգարա Տեղի Պիտի Չտայ Ամերիկեան «Պարտադրանք»ներուն. Չաւուշօղլու

0
125

ԱՆԳԱՐԱ, «Ռոյթըրզ».- Այցագիրներու տագնապը լուծելու համար Թուրքիա այցելած Միացեալ Նահանգներու արտաքին գործոց նախարարի օգնական Ճանըթըն Քոհընի գլխաւորած ամերիկեան պատուիրակութիւնը, Հոկտեմբեր 18ին թուրք բարձրաստիճան պաշտօնեաներու հետ քննարկած է ստեղծուած լարուած իրավիճակէն դուրս գալու կարելիութիւնները։

Թրքական աղբիւրներու համաձայն՝ ամերիկեան կողմը Անգարային ներկայացուցած է չորս պայմաններ, որոնց իրականացման պարագային միայն կարելի պիտի ըլլայ այցագիրներուն տագնապը լուծել: Այդ պայմաններն են՝

– Անգարա պէտք է շօշափելի փաստեր ներկայացնէ ապացուցելու համար, թէ ամերիկեան հիւպատոսարանի երկու աշխատակիցները իսկապէ՛ս լրտեսութիւն կատարած են.

– Հիւպատոսարանի աշխատակիցներուն դէմ իրականացուող հետաքննութեան վերաբերեալ տեղեկութիւններ պէտք է փոխանցուին Միացեալ Նահանգներու իշխանութեանց.

– Հետաքննութիւնը պէտք է ընթանայ ամերիկեան կողմին համաձայնութեամբ.

– Եթէ հիւպատոսարանի որեւէ աշխատակից՝ ամերիկեան փափաքով կապի մէջ մտնէ Ուաշինկթընի հետ, ապա թրքական կողմը պէտք չէ ձերբակալէ այդ անձը:

Թուրքիոյ արտաքին գործոց նախարար Մեւլուտ Չաւուշօղլու քննադատած է եւ «պարտադրանք» որակած է այս պայմանները: Ան աւելցուցած է, թէ Անգարան Ամերիկայի հետ պիտի գործակցի, եթէ պահանջները յարմարին Թուրքիոյ սահմանադրութեան։

LEAVE A REPLY

Please enter your comment!
Please enter your name here