Արցախ Այցելած Էնթընի Պուրտեն՝ Ատրպէյճանի «Սեւ Ցանկ»ին Վրայ

0
128

ՊԱՔՈՒ.- Ինչպէս կ՛ակնկալուէր, ատրպէյճանական «Էյ.Փի.Էյ.» լրատու գործակալութիւնը հաղորդեց, թէ Ատրպէյճանի արտաքին գործոց նախարարութիւնը երկրի տխրահռչակ «սեւ ցանկ»ին վրայ աւելցուցած է նաեւ անցեալ շաբաթ Արցախ այցելած «Սի.Էն.Էն.»ի ուտեստեղէնի եւ ճամբորդական յայտագիրներու մրցանակակիր հաղորդավար Էնթընի Պուրտենի անունը։

Ըստ Ատրպէյճանի արտաքին գործոց նախարարութեան բանբեր Հիքմեթ Հաճիեւի՝ այս որոշումը տրուած է, որովհետեւ Պուրտեն առանց Պաքուի իշխանութիւններէն արտօնութիւն ստանալու՝ «գրաւեալ տարածքներ» այցելած է։

Նշենք, որ Պուրտեն Հայաստան եւ Արցախ այցելած էր «Անծանօթ Վայրեր» յայտագիրին համար, եւ Շուշիի մօտակայ Ջդրդուզի ձորին մէջ վայելած էր արցախեան ճինկելով հացը, շիլան, մածունը եւ խորովածը, ինչպէս նաեւ թութի եւ հոնի օղիները։

LEAVE A REPLY

Please enter your comment!
Please enter your name here