Ռաքքան Ռմբակոծուած Է Տրեզտընի Օրինակով. Մոսկուա

0
114

ՄՈՍԿՈՒԱ, «Ինտիփենտընթ».- Միջազգային դաշինքն ու Միացեալ Նահանգները Սուրիոյ Ռաքքա քաղաքը ռմբակոծած են այնպէս, ինչպէս Գերմանիոյ Տրեզտըն քաղաքը ռմբակոծուած էր Համաշխարհային Բ. պատերազմի օրերուն, զայն գրեթէ ջնջելով երկրի երեսէն եւ սպաննելով քանի մը հազար անզէն քաղաքայիններ։

Ռուսիոյ պաշտպանութեան նախարարութեան բանբեր Իկոր Քոնաշենքով յայտնած է. «Այժմ Ուաշինկթըն, Փարիզ եւ Պերլին կը յայտարարեն միլիոնաւոր տոլարներու եւ եուրոյի շտապ յատկացումներու մասին՝ քաղաքին մէջ խաղաղ կեանքը վերականգնելու պատրուակով, մինչդեռ, իրականութեան մէջ, անոնք կը ձգտին կարելի եղածին չափ շուտ վերցնել «Իսլամական պետութենէն» ազատագրուած Ռաքքայի աւերակներուն տակ հազարաւոր մարդիկ թաղած Միացեալ Նահանգներու եւ միջազգային դաշինքի օդուժերուն բարբարոսական ռմբակոծումներուն հետքերը»:

Յիշեցնենք, որ 1945ին Տրեզտըն քաղաքը ծանրօրէն ռմբակոծուած էր անգլիական եւ ամերիկեան ուժերուն կողմէ։

LEAVE A REPLY

Please enter your comment!
Please enter your name here