Արեւելեան Եւրոպայի Լաւագոյն Համալսարաններու Ցանկի Վրայ՝ 6 Ատրպէյճանական Եւ 2 Հայկական Համալսարաններ

0
199

ԵՐԵՒԱՆ, «ՓանԱրմինիըն».- Երկու հայկական համալսարաններ ընդգրկուած են Զարգացող Եւրոպայի եւ Կեդրոնական Ասիոյ 250 լաւագոյն համալսարաններու QS EECA University Ranking 2018-ի վարկանշային աղիւսակին վրայ:

Աղիւսակը կազմած է կրթական եւ արտասահմանեան ուսման հարցերուն մէջ մասնագիտացած անգլիական Quacquarelli Symonds (QS) ընկերութիւնը՝ հիմնուելով համալսարաններու ինն յատկանիշերու վրայ, որոնց շարքին՝ ակադեմական մակարդակ, իբրեւ գործատու հեղինակութիւն, գիտական յօդուածներու եւ ուսանողներու թիւի յարաբերակցութիւն:

Երեւանի Պետական համալսարանը (ԵՊՀ) 181-րդն է վարկանշային այս աղիւսակին վրայ, Հայ-ռուսական համալսարանը՝ 201-րդը:

ԵՊՀն Հայաստանի ամէնէն մեծ համալսարանն է, որ 1919-ին իր հիմնադրումէն ի վեր 100,000 շրջանաւարտ ունեցած է: Հայ-ռուսական միջպետական համալսարանը հիմնադրուած է 1997-ին՝ Հայաստանի եւ Ռուսիոյ կառավարութիւններուն նախաձեռնութեամբ: Վարկանշային աղիւսակին համաձայն՝ միջպետական համալսարանի ուսանողներուն 25 տոկոսը արտասահմանցի ուսանողներ են:

Վարկանշային սոյն աղիւսակին վրայ ընդգրկուած են նաեւ վեց համալսարաններ Ատրպէյճանէն եւ մէկ համալսարան Վրաստանէն:

LEAVE A REPLY

Please enter your comment!
Please enter your name here