Ռոյս Կը Դրուատէ Քրիստոնեաներուն Ապաստան Տալու Հայաստանի Կեցուածքը

0
129

ՈՒԱՇԻՆԿԹԸՆ, «Ամերիկայի Ձայն».- Ներկայացուցիչներու տան Արտաքին յարաբերութիւններու յանձնախումբի ատենապետ Էտ Ռոյս, ելոյթ ունենալով մայրաքաղաք Ուաշինկթընի մէջ կայացած եւ Միջին Արեւելքի քրիստոնեաներու հալածանքին նուիրուած միջազգային խորհրդաժողովին ընթացքին՝ շեշտած է, թէ Միացեալ Նահանգներ պէտք է յաւելեալ ջանք տանի՝ շրջանի քրիստոնեաներուն վրայ յարձակումներուն դէմ դնելու համար։

«Պատճառներէն մէկը, որուն համար մենք կ՛աջակցինք ու պիտի շարունակենք աջակցիլ Հայաստանին՝ ա՛յն է, որ Հայաստան ապաստան տուած է բազմաթիւ քրիստոնեայ գաղթականներու», ըսած է Ռոյս:

«Մենք բարձր կը գնահատենք Հայաստանի դերը՝ քրիստոնէութիւնը պաշտպանելու եւ քրիստոնեաներուն ապաստան տալու գործին մէջ», աւելցուցած է քոնկրեսականը։

Նշենք, որ Ամերիկայի Հայ Դատի յանձնախումբը եւ համայնքային այլ կազմակերպութիւններ Ռոյսի եւ այլ քոնկրեսականներու հետ աշխատանք կը տանին՝ Հայաստանի համար յաւելեալ ամերիկեան օգնութիւն ապահովելու, որպէսզի կարելի ըլլայ նպաստել Հայաստանի մէջ ապաստան գտած Իրաքի եւ Սուրիոյ հայերուն:

LEAVE A REPLY

Please enter your comment!
Please enter your name here